Ата аналарға тренинг

                         Тренинг «ҰБТ-да жетістікке жетейік!».

Мақсаты: ҰБТ-ге психологиялық қолдау, ата-ана, оқушы, мұғалім

арасындағы қарым-қатынасты нығайту, оқушылардың өзіне деген

сенімділігін арттыру.

Қатысушылар: 11-класс оқушылары, мұғалімдер және ата-аналар.

Көрнекілігі: А4, жұлдыздар мен жүректер, фломастер, нақыл сөздер

«Адам баласының құндылығы – оның білімінде һәм ойлана білуінде» (Жүсіп Баласағұни).

«Ерік-жігері күшті адам – нағыз мықты адам».

«Армансыз адам қанатсыз құспен тең».

Психолог:

• Құрметті ата-аналар, оқушылар, мұғалімдер. Бүгінгі біздің жиналып отырған себебіміз алда кележатқан ұлттық бірыңғай тестілеуге психологиялық тұрғыдан оқушыларымызға қолдау көрсете отыра оқушылардың өзіне деген сенімділігін арттыруына көмек берейік. Бүгінгі тренингімізді 3 топқа бөліне отыра бастайық: ата-аналар тобы, оқушылар тобы және мұғалімдер тобы. Себебі әр топтың ҰБТ-ге деген көзқарасы әртүрлі, бірақ алға қойылған мақсатымыз бір. Тренингімізді әртүрлі жаттығулар арқылы өткіземіз. Әр қатысушы белсене қатыса отырып, өз ой-пікір айтып, ешкімге сын айтпай қазіргі тренингімізді осы ережелермен бастаймыз. Алдымен әр топқа ұран ретінде мына нақыл сөздерді ұсынамын:

Ата-аналар тобына – «Ерік-жігері күшті адам – нағыз мықты адам».

Оқушылар тобына - «Армансыз адам қанатсыз құспен тең».

Мұғалімдер тобына - «Адам баласының құндылығы – оның білімінде  ойлана білуінде» (Жүсіп Баласағұни).

Осы нақыл сөздер бойынша әр топ бүгінгі тақырыбымызға қатысты өз пікірлерін айтады.

• Келесі жаттығу «Қар қиыршықтары» деп аталады. Әр қатысушығы ақ қағаз беріледі. Тапсырманы мына нұсқаулық бойынша орындайсыздар:

Бәріміз қолымызға ақ қағазды алып ортасынан бүктейміз. Оның оң жақ бұрышын жыртып аламыз. Тағы да бүктейміз, оң жақ бұрышын жыртып аламыз. Осылай мүмкіндігінше жалғастыра береміз. Енді өзіміздің әдемі қар қиыршығын ашып қараймыз.

Талдау : - Кімде бірдей, бір-бірінен аумайтын қар қиындысы шықты? Таптыңыздар ма? Жоқ. Себебі неде деп ойлайсыздар?

• Не себептен бәрімізде бірдей ақ қағаз бен бірдей әрекет бола тұра әр түрлі қар қиыршықтары пайда болды?
• Себебі, бәріміз бірдей әрекет жасағанмен, ол бізде әр түрлі шықты. Өйткені біз әртүрлі адамдармыз. Біздің ата-аналар мен мұғалімдер қоғамдағы орнымыз, қызметіміз, жан дүниеміз бәрі әр түрлі. Ал оқушыларға келсек, әр қайсысы бөлек тұлға, ойлауы, дүниетаным, көзқарасы – бәрі әр түрлі. Бірақ, бәріміздің бірге жиналуымызда себеп бар – ол ҰБТ, одан жақсы жетістікке жету. Қоғамдағы орнымыз бен рөліміз әр түрлі болса да, бәріміздің алдымызда тұрған мақсат бір.

Топтық жоба «Мен үшін ҰБТ...»

Нұсқау: ҰБТ-ның қиындықтары мен жетістіктері, оның маңызы оқушылар, мұғалімдер, ата-аналар көзімен айтылып, жоба қорғалады.

Қорытынды: Ұлттық бірыңғай тесті – заман талабы бола тұра, ол оқушыларға оқуға түсуге мүмкіндік береді. Ендеше, сол мүмкіндікті жібермеу әркімнің өз қолында.

Жаттығу «Қасиеттер жәрмеңкесі»

Мақсаты: мұғалім, ата-аналар тарапынан оқушыларға қолдау көрсету, жағымсыз күштен, қасиеттен арылуға көмектесу.

Нұсқау: Алдымен оқушылар жағымсыз күштерден арылғысы келетін қасиеттерді қағазға жазып, аукционға шығады. Оны ата-аналар мен мұғалімдер өз бойындағы жақсы қасиеттерге айырбастайды.

Талдау: -Қандай қасиеттерді өздеріңізге жинадыңыздар, қандай қасиеттер қазіргі кезде сендерге дайындалуға бөгет жасайды? Осы ата-аналарыңыздан және ұстаздардаң алған қасиеттерді тиімді пайдалана отыра жестіктерге жетулеріне тілектеспін.

Жаттығу «Терезе»

Мақсаты: бұлшық еттерді босаңсыту, сергіту.

Нұсқау: Бәріміз шеңбер бойыменарқымызды беріп отырамыз. Саусақ қимылдары арқылы жаттығу жасаймыз:

1. Жай жауын басталды – саусақтар арқылы тықылдату.

2. Нөсер күшейді – жұдырықпен соғу.

3. Қатты жел тұрды – сипау.

4. Су ақты – арқаны сипау.

5. Күн шықты – арқаны сипау.

«Жаңғырық туралы аңыз» әңгіме айтылады.

Қорытынды: Құрметті ата-аналар, ұстаздар, оқушылар! Өз еңбектріңіз бен білім жолында төккен терлеріңіз алдарыңыздан жарқырап шығатынына сеніп, шаршамай, талмай еңбектене отырып, ҰБТ-да жоғары нәтижеге жетулеріңізге тілектеспін, сәттілік тілеймін!

-Бүгінгі тренингке қатысқандарыңызға сіздерге рахмет. Бүгінгі тренингімізді «ҰБТ-да жетістікке жетейік!» әнімен аяқтауға рұқсат етіңіздер.

                                              Анықтама.

11-сынып оқушыларымен «ҰБТ-да   жетістікке     жетейік!»

атты тренинг бойынша

«ҰБТ-да жетістікке жетейік» атты іс-шара тренинг түрінде жүргізілді. Тренинг мақсаты ҰБТ-ге психологиялық қолдау, ата-ана, оқушы, мұғалім арасындағы қарым-қатынасты нығайту, оқушылардың өзіне деген сенімділігін арттыру, мұғалім, ата-ана тарапынан оқушыларға қолдау көрсету. Тренингке 4 оқушы, 4 ата-ана және 4 мұғалім қатысты. Тренингте интербелсенді тақта, А4 қағаздары, бояулар қолданылды.

Тренинг барысында қатысушылар әр түрлі жаттығулар орындады. Қатысушылар өткізілген тақырып бойынша өз пікірлерін айтты. Әр қатысушы өз бойындағы қасиеттеріне қарап, жаман-жақсы қасиеттерін көрсетіп, жетістікке жету үшін оқушыға өз пікірі бойынша қандай қасиет қажеттігі анықталып, сол қасиет бойынша тілек айтылып, қолдау көрсетілді.

«Мен үшін ҰБТ ...» жаттығуында әр топ тақырып бойынша жоба жасап, өз жобасын қорғады. Бұл жаттығу арқылы оқушы мен ата-ана ҰБТ-ге деген пікірлері, оның нәтижесіне қандай үміт күтуде, балалар өздеріне тілектерін, ата-ана баланың арманын орындалуына үлкен мән беріп жатқаның көрсете білді.